(( أحــــــــــــــــــــبــــــــــــــــــــك))

**خليل سعيد الكحلاني**

أحبك
ذكرتك .. يوم مرتني عـيـون تشبه عيونك
أنا أصلا ما نسيتك بس أقول أني تذكرتك
عرفت ان أغلب العالم بها العالم يحبونك
أحبك كثر ما حبوك وكثر الوقت في وقتك
أمــوت وآخــر عروقي تقول والله ما خونك
وعفت عيون كل الخلق .. والدنيا ولا عفتك
معي كل السوالف أنت .. أريد الناس يحكونك
لعنت أحلى السوالف والشوارع كان ما قلتك
أريد أكتبك في عيني .. وأريد الناس يقرونك
وأريد أجمع شتاتي فيك دام بخافقي شلتك
خلف جدي.. خلف أهلي.. خلف من صار مجنونك
خلف كل العيون اللي ذليله ساجده تحتك
أنا لك رهن ما تطلب .. عجب لا صرت مرهونك
أجل.. أنت الأمان اللي يجيني ساعةٍ شفتك
تمون ولا يمون أحد سواك وما حدٍ دونك
تمون وريح أنفاسك تجن بداخلي وتفتك
ألا يا ريحة الطين وثراه اللي خذا لونك
تحب الطين وسكوته سرق من فوضتك صمتك!!
ذكرتك ..ما عمرها يوم غابت عني عيونك
أجــل .. ما غابت الذكرى مدام أني تذكرتك

اهداء لك يالغالي